大師傅 Master P

【4.28 世界職業安全衛生日】

係喎,4.28 係「世界職業安全衛生日」!呢日係由國際勞工組織 (ILO)訂立,目的係推動全球預防職業災害及職業疾病,提醒雇主要令勞工避免工作時受傷同受疾病威脅。就好似我地平時開工咁要戴合適嘅口罩,做好粉塵管理等!當然冇問題喇!我平時日日都有做開㗎喇!

https://videos.files.wordpress.com/saWxnKzw/279288825_306880401595194_2657796507226682096_n.mp4
【師傅師事】 – 高志鴻

陳年玉石竟然換來塵連肺部!?玉石雕刻大王vs肺塵病!

今次嘅大師傅高志鴻,係有60年經驗嘅玉石雕刻技工,幾十年嚟喺廣東道嘅玉石街手起刀落,無數嘅緬甸玉喺佢手上被琢磨成不同形態嘅藝術品,豈料拋光時玉石飛出嚟嘅粉末竟然令佢得到肺塵病,到底過程中佢做漏咩事,令到佢得到呢個病呢?我地一齊睇吓佢嘅故事丫~

贊助:肺塵埃沉着病補償基金委員會

即刻上去Youtube 讚好、留言同訂閱:https://youtu.be/uZ7sHxujdlc

又到保肺時間~唔使驚,唔係交保費呀,係保肺呀!工友要保護肺部,喺開工時梗係要戴好合適嘅口罩,隔離塵埃!每日開工嘅checklist唔可以少咗保護肺部程序呀~

【減塵水舞間】

唔係掛?又黃雨?唔係呀!今次係工地灑水減塵措拖,只不過大師傅唔覺意灑多咗水,有啲似黃雨咁啫~唔想好似我咁,各位工地嘅師傅們記得在多塵環境適量灑水,咁就唔洗游水都減到塵啦!咕嚕咕嚕~

https://videos.files.wordpress.com/nlrxiC2H/10000000_163611629369695_3299932657716352650_n.mp4
【師傅師事】- 黃子文

我哋每一位工友都係技能值爆燈嘅師傅!喺過去嘅日子,佢哋到底遇到咩事,令佢地進化成有技術又注重預防塵肺病嘅大師傅呢?

留意住【師傅師事】嘅短片系列,睇下各位師傅訴說佢地嘅故事,第一位強勢登場嘅師傅,就係有50幾年水電經驗嘅黃子文師傅!聽聞佢喺幾十年前做野嗰陣,會經歷「塵之呼吸」!我地一齊聽下佢點講~

贊助:肺塵埃沉着病補償基金委員會

曾經有一系列嘅的減塵措施放喺我面前,我冇好好採用,等我失去健康嘅肺時,我先後悔莫及,人世間最痛苦的事莫過於此。喺工地呢個咁多塵嘅塵世間,如果上天能夠畀我一個再來一次嘅機會,我會對個天講:隔離塵埃、抽風除塵、灑水減塵、佩戴口罩、定期驗身 (TдT)

年梗係要同老虎做朋友!今年介紹個新朋友比大家認識,佢叫大師傅,細心、專業,又精通各樣建築技術,最重要喺新一年繼續同各位師傅一齊做好粉塵管理五步曲,隔離塵埃、抽風除塵、灑水減塵、佩戴口罩同定期驗身,多多指教!